Për herë të parë, Ambasada vendosi të mblidhte të gjithë stafin dhe të dilte jashtë zyrave, në rrugëtimin “Ambasada vjen tek ju” (Pop-Up Embassy).
Dëshironim të takoheshim me njerëzit, studentët dhe partnerët tanë kudo që ata janë. Ndalesa jonë e parë ishte Elbasani.
Autobusi ishte zbukuruar me flamurin suedez dhe hashtag-un: #DriveforDemocracy.
Partnerët tanë nga shoqëria civile, organizatat e grave, aktivistët e mjedisit, aktivistët për të drejtat e komunitetit rom dhe policia komunitare u mblodhën për t’u takuar me njerëzit dhe për të ndarë historinë e bashkëpunimit midis Suedisë dhe Shqipërisë.
Interesi ishte i madh dhe dita ishte e mbushur me takime, biseda dhe ëmbëlsira me kanellë.
Pasdite zhvilluam një ndeshje futbolli kundër bashkisë së Elbasanit dhe dita u mbyll me shfaqjen e filmit ‘Catwalk’ (‘Pasarela’).
Rrugëtimi “Ambasada vjen tek ju” (Pop-Up Embassy) do të vijojë edhe në qytete të tjera.
